Infolitic Transparent Wallpaper Crystal
Solucións NUBO
nube local privada para a PEME
Infolitic - Solucións NUBO

As solucións Nubo foron deseñadas e desenroladas en exclusiva por infolitic combinando hardware de calidade, software libre e un servizo de xestión eficiente , sinxelo e seguro.

Tanto o hardware coma o software utilizados nesta solución superaron os máis estrictos controis de calidade do noso laboratorio durante máis de 10 anos antes de ve-la luz no mercado e de poder ser o que é hoxe, un producto chave en man integrado de forma fácil na túa empresa.

Nubo acerca á túa oficina certas tecnoloxias, ata agora tan só utilizadas en Centros de Protección de Datos e grandes empresas, a un prezo adaptado para a PEME co fin de mellora-la productividade das pequenas ou medianas empresas, por conseguinte mellora-la súa economía e da súa contorna.

Os pilares fundamentais desta solución son a seguridade da información e a alta dispoñibilidade do hardware, software, datos e redes que a interconectan co usuario final.

Principalmente consta dun paquete de equipos adaptados ó escenario da PEME e consolídase grazas á potencia ofrecida por unha das mellores distribucións de sistema operativo que existen na actualidade: Debian GNU/Linux.

Infolitic - Solucións NUBO
Infolitic - Solucións NUBO

As características máis relevantes das solucións Nubo son as seguintes:

  • Alta dispoñibilidade en hardware, software, datos e rede:
    • Sistema de alimentación ininterrumpida (SAI), protección do suministro eléctrico gracias ó uso de baterías.
    • Sistema de redundancia de datos (RAID), protección activa para a información.
    • Sistema de copia de seguridade automatizado (BACKUP), protección pasiva para os datos.
    • Sistema de control e xestión de redes de acceso a intenet (HANET), servizo que permite o uso de dúas redes de internet de modo que nunca se perda a conectividade na contorna do traballo.
  • Seguridade da información:
    • Cifrado por defecto de tódolos recursos de datos do usuario.
    • Posibiliade de bloqueo e/ou destrucción automática da información ante situacións de emerxencia e deseñadas de forma persoalizada para o cliente (segundo as súas necesidades)
  • Monitorización en tempo real polo equipo de administración de sistemas de infolitic e os sistemas de control de calidade, prevención, actualización e mellora incluidos no servizo asociado, Nubo Premium.

Coas solucións Nubo disporá de acceso á súa información en todo momento, durante unha caída da rede eléctrica e/ou da rede principal de internet.

En definitiva, Nubo ofrécenos a tranquilidade e confianza que buscamos para poder adicarnos ó noso traballo e esquecernos así da informática e da súa xestión.

 
         
© 2008-2018 Infolitic, informática intelixente
En Infolitic utilizamos cookies propias e de terceiros para obter datos estadísticos da navegación dos nosos usuarios que nos axudan a mellorar os nosos productos e servizos. Pode obter máis información aquí. Se continúa navegando entendemos que acepta a nosa política de cookies.